Hlutverk GRÓ er að efla getu einstaklinga, samtaka og stofnana í þróunarlöndum og löndum þar sem átök standa yfir eða eru nýlega afstaðin til að ná þeim niðurstöðum á sviði þróunarsamvinnu sem sett eru fram í heimsmarkmiðunum um sjálfbæra þróun (heimsmarkmiðum SÞ). Starfið fer fram með þjálfunaráætlunum, sem miða að því að byggja upp getu, með áherslu á fjögur þemasvið: Jafnrétti, jarðhita, landgræðslu og sjávarútveg.
- Jafnréttisskóli GRÓ (GRÓ GEST) sem stuðlar að kynjajafnrétti, valdeflingu kvenna og félagslegu réttlæti.
- Jarðhitaskóli GRÓ (GRÓ GTP) sem stuðlar að nýtingu og sjálfbærri stjórnun áreiðanlegra, fjárhagslega hagkvæmra og vistvænna jarðvarmaorkugjafa.
- Landgræðsluskóli GRÓ (GRÓ LRT) sem leggur áherslu á baráttu gegn landeyðingu, endurheimt landgæða og að stuðla að sjálfbærri landstjórnun.
- Sjávarútvegsskóli GRÓ (GRÓ FTP) sem stuðlar að sjálfbærri nýtingu og stjórnun á lifandi auðlindum hafsins.